إيه إللى يخلى العربيه مـ تدورش ؟! 
1- البطارية تكون نايمة والحل البطارية تاخد توصيلة من بطارية تانية أو زقة ونعشق على الغيار التاني لو العربية مانيوال وضروري لازم نعرف هل البطارية بتسرب شحن ولا فيها ايه بظبط 
2- الدينمو يكون قاطع شحن بمعني إن البطارية تكون مفيش فيها أي مشكلة لكن الدينمو مش عارف يقومها وفي الحالة دي يتم إصلاح الدينمو والتأكد من السير بتاعه إنه مشدود كويس علي البكرة بتاعته 
3- طلمبة البنزين قاطعة وعشان كدا لازم نتأكد لما نفك الخرطوم الواصل لمسطرة الرشاشات مع سنه مارش ونشوف هيطلع بنزين ولا لأ 
4- حساس الكرنك قاطع وده نعرفه عن طريق إننا بنفك سلك البوجيهات ونبعده سنة صغيرة عن البوجيه ونسمع صوته بيتكتك يعنى هل واصله كهرباء وبيطلع كهربا للبوجيه أو لأ ! بس ملحوظه خلى إيدك بعيد شويه وأنت ماسك سلك البوجيه عشان كهربته بتبقي عالية جداّ ويفضل تمسكه بـ بنسه 
5- ضعف أو تلف البوجيهات ” شمعات الاحتراق”، يؤدي إلى عدم القيام بوظيفتها وهي إطلاق الشرارة بصورة كافية لكي يتم إشعال خليط الهواء والوقود في غرفة الاحتراق في المحرك، والتي تعمل على تشغيل المحرك 
6- انسداد البخاخات و حال وجود خلل أو انسداد البخاخات في المحرك بالأوساخ والأتربة، يؤدي إلى ضعف ضخ الوقود إلى المحرك
7- وجود مشكلة في المارش و المارش هو المسئول عن عملية دوران المحرك و في حالة وجود مشكلة بالمارش أو تعرضة للتلف لا يمكن إتمام عملية دوران المحرك و لا يقوى المارش على تشغيل السيارة ، فلا داعى للإصرار على بدء تشغيل محرك السيارة ، لأن ذلك يؤدى إلى سرعة استهلاك البطارية دون فائدة ، كما ينصح بتشغيل المارش على فترات متقطعة بحيث لا تزيد قترة تشغيل المارش عن 10 ثوانى ثم الانتظار 30 ثانية بين كل فترة والتى تليها حتى يستطيع المارش بدء تشغيل محرك السيارة